Hef oft séð Eið Smára spila

En hafði aldrei áður sér Torres og félaga.

Ég fór með þá von í brjósti að sjá fallega spilaðan fótbolta. Torres átti ágætar rispur í fyrri hálfleik og mjög gott skot á markið. En Spænska liðið var ekki svipur hjá sjón eftir að Alonso var rekinn af velli og íslendingar náðu öllum tökum á miðjunni.

Seinni hálfleikurinn var mjög góður varnarlega hjá íslenska liðinu... En það er aldrei gaman að horfa á lið verjast. Spænska liðið réði öllu á vellinum í seinni hálfleik, en íslenska liðið náði 4-5 skyndisóknum sem hefðu getað verið hættulegar ef ekki hefði verið fyrir þá sök að íslenski sóknarmaðurinn var alltaf (oftast) einn á móti þremur til fjórum spænskum varnarmönnum.

Ég er himinlifandi fegin með jafnteflið í gær!!! Það var bara lukkan sem forðaði íslenska liðinu frá tapi í gær!

Það hefur oft sýnt sig með lið sem hafga yfirhöndina gegn sterkari andstæðingi að tapa leiknum þegar það reynir að halda forystunni. Það er nú nefnilega þannig með fótboltann, það skiptir nefnilega engu máli hvort liðið er betra... Það sem skiptir máli er hvort liðið skorar fleiri mörk!!!

Heilbrigð skynsemi