halliegils

Geir, þú ert búinn að missa allan trúverðugleika!

Þú talar og talar, en segir aldrei neitt! Þú átt að heita leiðtogi þjóðarinnar, en það trúir enginn á þig lengur! Það sem Íslendinga vantar í dag er einhver sem stígur fram og segir á skýran hátt, án útúrsnúninga og hroka hvaða leiðir við þurfum að fara til að komast áleiðis úr krísunni. Einhvern til að færa þjóðinni von um bata.

Ég veit ekki hver er að ráðleggja þér, eða hvort einhver er að því. En þú ert rúinn öllu trausti og ættir að losa þig við núverandi ráðgjafa. Hlustaðu á fólkið í landinu, hættu að hlusta á klíkuna þína.

Ef þú hefur hag landsmanna að leiðarljósi í störfum þínum skaltu stíga til hliðar núna strax og láta einhverja þér hæfari taka við stjórntaumunum.