Ég er ekki alveg að skilja...

Ég er ekki lögfróður maður, en ég skil þetta ekki alveg. Ég reyni samt.

Vegna þess að ekki er hægt að refsa mönnum fyrir lögbrot, þá eru þeir saklausir... Þá skiptir það engu máli hvort lögbrot hafi verið framið eður ei. Ég get ekki skilið þessi orð Gests Jónssonar betur en þetta.

Og annað í þessari grein vakti einnig áhuga minn: "Sagði Gestur að aldrei hefði verið dæmt hér á landi á grundvelli 104. greinar hlutafélagalaga og aldrei ákært, ekki heldur í Danmörku, þar sem sama regla væri til. Sýkna ætti Jón Ásgeir af öllum refsikröfum á grundvelli 104. hlutafjárlaga."
Á að sýkna Jón Ásgeir af ákæruliðunum af því að það hefur aldrei verið ákært áður á grundvelli þessara laga, og þar af leiðandi aldrei dæmt?

Og annað: "Gestur sagði að lán í skilgreiningu laganna væri það þegar fjármunir væru afhendir án nokkurra annarra skilyrða en að þeir verði endurgreiddir. Um leið og önnur skilyrði fylgdu, svo sem um að viðtakandi eigi að nota féð í tilteknum tilgangi, t.d. til að kaupa nýtt hlutafé, væri þetta orðið þáttur í viðskiptum og skilgreiningin félli úr gildi."
Þannig að ef ég tek "lán" til að borga yfirdráttinn og ég fæ "lánið" með þessu skilyrði... Er það þá ekki "lán" lengur?

Ég er ekki alveg að skilja…

Segir refsiheimildir ekki fyrir hendi í hlutafélagalögum

Athugasemdir

[Borghildur, 28.3.2007 kl. 13:33]

Ég efast stórlega um að þú getir samanborið lán sem að fyrirtæki eða fjárfestingarfyrirtæki á sama kalíberi og Baugur er við hvernig þú ætlar að borga yfirdráttinn þinn þennan mánuðinn.

Málið er að það er búið að grúska í einkalífi þessa fólks í alltof mörg ár. Ef e-ð stórfellt brot hefði átt sér stað þá væri það löngu orðið ljóst.

[Hallgrímur Egilsson, 28.3.2007 kl. 14:15]

Sæl Borghildur, kannski hefur e-ð stórfellt brot átt sér stað og stórkostlegir klúðrarar misst allt úr höndunum á sér. Ég held að saksóknari höndli ekki mál af þessarri stærðargráðu. Greinilega eru saksóknari og félagar hans vanari að fást við "góðkunningja" sína, sem játa allt strax og fá síðan að fara heim, en einhverja sem greinilega hafa vit í kollinum.